“Asa kuriweuh pemilu teh?” ceuk
Ceu Inong bari ngagerus oncom.
“Laliweuh kumaha Mak?” waler
Entong, putra bungsuna nu lada cadel, bari ngabantosan masak.
“Tuh tingal berita, meuni tepi ka
parasea kitu. Teu panujulah kana hasil itungannana, itulah, iyeulah. Terus
kamari aya caleg anu nyungken deui bantosan nu atos dibere ku anjeuna. Tapi ari
pas kampanye mah meni jiga nu heueuh.., kaditu kadiyeu, bari gegerewekan ngangge
mikropon, pilih partai kami,, pilih saya,,, coblos nomor iyeu,” waler Ceu Inong
bari nyandak cengek jeung bawang, terus mulai ngagerus deui.
“Heueuh nya Mak, alaneh kalakuan
caleg ayeuna mah. Nya ai gagal mah atos we atuh, meuni tepi ka kukituna,” saur
Entong nu ayeuna keur kukumbah.
“Lain ayeuna wae Tong, ti saprak emak
nuju gadis ge kitu wae pemilu di urang mah. Naon atuh nu aya di otak na teh?
Urang teu apal saha manehna, ujug-ujug nyungken dipilih. Pas eleh ngambek, aya
nu curang mah, aya nu iyelah, itulah, penggelembungan suaralah, duuuh gusti
meni puuuussssssssssssing ngadangunage,” waler Ceu Inong mulai esmosi. Tepi ka
coet na beulah, tapi ceu Inong teu apal.
“Ah, eta mah niatna we nu tos teu
leules nya Mak?” saur Entong nu ayeuna keur sasapu.
“Eta pisan. Lolobana caleg mung
hayang kakuasaan we hungkul, rakyat nu geus milih anjeuna sok tos teu dipikiran
deui,” ceu Inong terus nyarios, coet nu tadi beulah tepi ka halus dipeprekan
wae.
0 komentar:
Posting Komentar